Almatyda aǵash óńdeıtin tseh órtendi
ALMATY. QazAqparat - Almatyda aǵash tsehy órtendi, dep habarlaıdy QazAqparat tilshisi.
Almaty qalalyq tótenshe jaǵdaılar departamentiniń málimetine sáıkes, órt Almaly aýdany Raıymbek dańǵyly, 348/3 mekenjaıynda ornalasqan aǵash tsehynan shyqty.
«Órt sóndirýshiler 6 mınýtta keldi. Ol kezde bir qabatty aǵash tsehynyń (boıaý bólimi) tóbesi ashyq jalynmen janyp jatqany anyqtaldy. Órttiń taralýy japsarlas ornalasqan ǵımarattyń tóbesine qaýip tóndirdi. Órtti sóndirýge 11 tehnıka, jeke quramnan 30 adam jumyldyryldy. Qabyldanǵan sharalardyń arqasynda órt 16 mınýtta aýyzdyqtaldy, - delingen habarlamada.
Sondaı-aq jedel atqarylǵan sharalardyń arqasynda órt sóndirýshiler taýar-materıaldyq qundylyqtaryn órtten aman alyp qalǵan.
