Almatyda aǵash butaǵy synyp, bir adam zardap shekti
ALMATY. QazAqparat - Almaty qalalyq Tótenshe jaǵdaılar departamenti júrgizýshilerge kólikterin aǵashtardyń astyna qoımaýǵa keńes beredi, dep habarlaıdy QazAqparat tilshisi.
Almaty qalalyq TJD men 109 qutqarý qyzmetine butaqtar men aǵashtardyń qulaǵany týraly 115 habarlama tústi. Qulaǵan 93 aǵashtyń 42-si kólikterdi basyp qalǵan. Sondaı-aq synǵan butaq boıynsha 22 jaǵdaı tirkeldi.
«Kamenka yqshamaýdanynda 1994 jyly týǵan er adamdy aǵash butaǵy basyp qaldy. Aǵash qalyń jaýaǵan qardy kótere almaı synyp ketken. Zardap shekken almatylyqty jedel járdem toby №7 qalalyq klınıkalyq aýrýhanaǵa jetkizdi. Er adamdy aýrýhana dárigerleri qarap, alǵashqy kómek kórsetkennen keıin ony úıine jiberdi.Kelip túsken barlyq qońyraýlardy Almaty qalasynyń Tótenshe jaǵdaılar departamenti, 109 qutqarý qyzmeti jáne aýdan ákimdikteri dereý qarastyrýdy qolǵa alǵan», - dep habarlaıdy qalalyq TJD.
Almaty qalasynyń TJD avtokólik ıelerin kólikterin aǵashtardyń astyna qoımaýǵa jáne qala turǵyndary men qonaqtaryn ıilip turǵan aǵash butaqtaryn aınalyp ótip, abaı bolýǵa shaqyrady.
