Almatyda aǵash basyp qalǵan jolaýshynyń mıy shaıqalyp, qolyna zaqym kelgen
ALMATY. QazAqparat - Almatyda qulaǵan aǵash astynda qalǵan avtokólik ishindegi áıeldiń alaqan súıekterine zaqym kelgen. Bul týraly qalalyq densaýlyq saqtaý basqarmasynan málim etti, dep habarlaıdy QazAqparat tilshisi.
«Aǵash pen avtokólik oqıǵasynan zardap shekken áıel aýrýhanaǵa 11 tamyz kúni saǵat 18:15-te tústi. Onyń jaǵdaıyn ortasha dárejedegi jaraqat dep baǵalaımyz. Patsıent qalpyna keldi. Onyń mıy shaıqalyp, alaqan súıekteri synǵan. Qolyna ota jasaldy»,-dedi travmotologııa bóliminiń meńgerýshisi Berık Irgalıev.
Dárigerlerdiń aıtýynsha, 44 jasar áıel on shaqty kún aýrýhanada baqylaýda bolady. Oqıǵa bolǵan kúni taǵy bir japa shegýshi aýrýhanaǵa jetkizilgen. 23 jasar boıjetken medıtsınalyq kómekke zárý bolmaǵandyqtan úıine qaıtarylǵan.
Eske sala ketsek, 11 tamyz kúni Almatynyń qaq ortasynda úlken aǵash kóliktiń ústine qulap, ishindegi adamdardy jedel járdem alyp ketken bolatyn. Oqıǵa Qurmanǵazy men Qonaev kósheleriniń qıylysynda bolǵan. Aǵash janshyp qalǵan avtokólik ishinde 3 adam bolǵan. Onyń ekeýi aýrýhanaǵa jetkizilgen.
