Almatyda advokat áıeldi óltirý isi sotqa joldandy

ALMATY. QazAqparat – Almatyda advokat áıeldi óltirý isi boıynsha tergeý aıaqtalyp, sotqa joldandy. Bul týraly Almaty qalalyq prokýratýrasynyń baspasóz qyzmeti málim etti, dep habarlaıdy QazAqparat tilshisi.

Prokýratýranyń baspasóz qyzmeti taratqan málimet boıynsha, bıyl 14 aqpanda Almaly aýdandyq prokýratýrasy qylmystyq isti qaraý úshin sotqa jibergen.

«Ótken jyldyń 8 qazan kúni qoǵamǵa tanymal zańger A.K. Asanova óltirilgen bolatyn. Bul fakti Almaly aýdandyq polıtsııa basqarmasynda Qylmystyq kodekstiń 99-babynyń 1-bóligi boıynsha tirkeldi. Onyń burynǵy jubaıy N. prokýratýranyń kelisimimen kúdikti dep tanyldy. Ol sottyń sanktsııasymen qamaýǵa alyndy. Bıyl 14 aqpanda Almaly aýdandyq prokýratýrasy qylmystyq isti sotqa jiberdi»,- delinedi habarlamada.

Eske salaıyq, ótken jyly 8 qazan, saǵat 23:00 shamasynda 1980 jyly týǵan A. esimdi zańger áıel kóptegen pyshaq jaraqatymen aýrýhanaǵa jetkizilip, 12 qazanǵa qaraǵan túni medıtsınalyq mekemede qaıtys bolǵan.

Keıin zańger áıeldi kim óltirgeni belgili boldy.