Almatyda advokat áıeldi óltirdi degen kúdikpen onyń burynǵy kúıeýi ustaldy
ALMATY. QazAqparat - Almaty qalasynda jedel-izdestirý sharasy barysynda 1971 jyly týǵan N. esimdi azamat ustaldy, dep habarlaıdy QazAqparat.
Іshki ister mınıstrligi taratqan málimetke sensek, ol QR QPK 128-babyna sáıkes ýaqytsha ustaý ızolıatoryna qamalǵan.
«Kisi óltirý deregi boıynsha tergeý jalǵasyp jatyr. Buryn habarlanǵandaı, tergeý barysy QR ІІM men Almaty qalalyq PD basshylyǵynyń baqylaýynda» dep málim etti polıtsııa.
Eske sala keteıik, búgin Almatyda kisi qolynan kóz jumǵan zańger áıeldiń ólimine kúıeýi qatysty bolýy múmkin ekenin habarlaǵan edik.
Almaty qalalyq polıtsııa departamenti osy asa aýyr qylmysty jasady degen kúdikpen marqumnyń burynǵy jubaıy – 1974 jyly týǵan N. izdeýde ekendigin rastaǵan.
