Almatyda Ádilet departamentiniń ǵımaraty qorshaýǵa alyndy
ALMATY. QazAqparat - Polıtsııa qyzmetkerleri Almaty qalasy Ádilet departamentiniń ǵımaratyn qorshaýǵa alyp, oqıǵa ornyna shuǵyl túrde tótenshe jaǵdaı qyzmetkerleri jetti, dep habarlaıdy QazAqparat tilshisi.
ІІD baspasóz qyzmeti bul jerde telefon arqyly jalǵan habar bergen adamdy anyqtaý sharasy júrip jatqanyn málim etti.
"Polıtsııaǵa Ádilet departamenti ǵımaratynda jarylǵysh zat bar ekendigi jaıly aqparat tústi. Degenmen, bul aqparat rastalmady. Qazir jalǵan aqparat bergen tulǵany anyqtaý sharasy júrip jatyr", - dedi Almaty qalasy ІІD baspasóz qyzmetiniń jetekshisi Saltanat Ázirbek.
Dese de, kýágerler ǵımarat janynda bolyp jatqan is-sharany vıdeoǵa túsirip, áleýmettik jelilerde bólise bastaǵan. Taspada quqyq qorǵaý qyzetkerleri men órt sóndirýshilerdiń jumys barysy beınelengen.
Joldas Órisbaev
