Almatyda Ádilet departamenti tegin quqyqtyq kómek kórsetetin bolady
Bul joba boıynsha quqyqtyq kómekke muqtaj kópbalaly otbasylar, áleýmettik jaǵynan az qamtylǵan otbasylar tegin quqyqtyq keńes alatyn bolady.
Ádilet organdaryna mundaı usynysty «Akselerator dobra: Іzgilik elshisi» volonterlik qozǵalysy bildirgen.
«Qıyn jaǵdaıǵa túsken azamattarǵa, áleýmettik jaǵynan az qamtylǵan otbasylarǵa biz tegin quqyqtyq kómek kórsetýge daıynbyz. Olarǵa bizdiń JOO zań bóliminiń stýdentteri, tájirıbeli qorǵaýshylar, zańgerler kómek kórsetetin bolady. Bolatyn sharalar týraly aqparatty áleýmettik jeliden kórýge bolady», - dedi Ádilet departamentiniń jetekshisi Gúlnar Kokobaeva.
Kezdesý barysynda «Akseleratora dobra: izgilik elshisi» jobasy men Ádilet departamenti ókilderi arasynda ózara túsinistik týraly memorandýmǵa qol qoıyldy.
«Akselerator dobar: izgilik elshisi» jobasy keńeıip keledi. Endi bizge memlekettik organdar kómek qolyn sozyp jatqany qýantady», - dedi joba jetekshisi Aınur Sábıtova.
