Almatyda Ádil Slamhannyń «Qııaldaǵy arý» dep atalatyn án keshi ótedi

dep habarlaıdy QazAqparat.

Ata jurtqa 2002 jyly Qytaı Halyq Respýblıkasynan kóship kelgen ánshiniń buǵan deıin 2008 jyly «Qııaldaǵy arý» degen úntaspasyn jáne «Qııaldaǵy arý», «Umytpa» ánderine beıneklıpterin shyǵarǵan edi.

«Alǵashqy kontsertim 2007 jyly Qytaıda boldy. Endi ony keńeıtip, Almaty jurtshylyǵynyń nazaryna usynǵaly otyrmyn. Óner ordasyndaǵy tuńǵysh kontsertime jańadan onshaqty án jazdyrdym. Bul sharanyń aldynda Qazaqstannyń barlyq oblystaryna gastroldik saparmen kontsert qoıyp qaıtqan edim. Kórermen jyly qabyldady. Bul keshte oryndalatyn 30-ǵa jýyq shyǵarmanyń 60-70 paıyzy tuńǵysh ret aıtylady. Olardyń úsheýi dýetpen aıtylady. «Án men gúl», «Bir ózińdi tańdadym» jáne «Egizim» dep atalatyn bul ánderdi jan jarym Dana Mahanbaevamen birge oryndaımyn», deıdi Ádil Slamhan. Ánshiniń aıtýynsha, ol «Atameken», «Halqyma», «Sezim syry», «Naýryzym mereke», «Aǵajaı Altaı» sııaqty on shaqty týyndysyn osy kontsertke arnaıy jazdyrǵan. Endi shyǵarmashylyq keshten keıin «Sezim syry» ánine beıneklıp túsirýdi josparlap otyr.