Almatyda «Adıdas» brendiniń kıimderin qoldan tigip satqandar ustaldy
ALMATY. QazAqparat - Almatyda Jetisý aýdanynda sporttyq aıaq kıimderdi daıyndaıtyn astyrtyn tseh tabyldy, dep habarlaıdy QazAqparat tilshisi.
Bul tsehte «Adidas», «Reebok» markalarynyń aıaq kıimderi qoldan tigilip kelgen.
Qalalyq Memlekettik kirister departamentiniń ekonomıkalyq tekserý qyzmetiniń mamandary jedel tekserý nátıjesinde tigin stanoktaryn, konteınerlik jeli tárkiledi. Sondaı-aq, daıyn turǵan 1500 jup aıaq kıim, brend etıketkalar, aıaq kıimniń tabandaryn tárkiledi.
Bul tsehte 40 jumysshy jumys istep kelgen.
Bıznesti uıymdastyrǵan adam ónimdi «Aınabulaq-2» shaǵyn aýdanyndaǵy óziniń dúkeninde, Almatydaǵy iri bazarlarda satqan.
Qazirgi tańda atalǵan derek boıynsha QR QK 222-babynyń 1-bólimimen qozǵalǵan qylmystyq is sotqa baǵyttaldy.
Qalalyq Memlekettik Kirister departamenti azamattardy chek bermeý, jalǵan aktsızdi taýrlardy satý boıynsha kez-kelgen kólegeıli ekonomıkanyń kórinisterin qalt jibermeı barynsha azamattyq belsendilik kórsetýge shaqyrady.
