Almatyda ádebıettaný týraly halyqaralyq konferentsııa ótedi
ALMATY. 8 jeltoqsan. QazAqparat - Almatyda 9-jeltoqsanda «Rymǵalı Nurǵalı jáne Alash ádebıettanýy» degen taqyrypta halyqaralyq ǵylymı-teorııalyq konferentsııa bolady.
Ony ál-Farabı atyndaǵy Qazaq ulttyq ýnıversıteti fılologııa, ádebıettaný jáne álem tilderi fakýltetiniń qazaq ádebıeti jáne ádebıet teorııasy kafedrasy uıymdastyryp otyr. Onda kórnekti ǵalym, akademık Rymǵalı Nurǵalıdyń qazaq ádebıettaný ǵylymynyń damý baǵyttaryndaǵy eleýli eńbegi men qazirgi ádebıet tarıhyn zertteý men oqytýdyń ózekti máseleleri qarastyrylmaq.
Bul sharaǵa Qazaqstan, Qyrǵyzstan jáne Reseıden ádebıettanýshy ǵalymdar, jazýshylar jáne oqytýshylar qatysady dep josparlanýda. Konferentsııa jumysy - «R. Nurǵalı jáne qazaq ádebıetin zertteýdiń teorııalyq jáne ádisnamalyq negizderi», «R. Nurǵalı jáne HH ǵasyr basyndaǵy qazaq ádebıetin zertteý», «Rymǵalı Nurǵalıdyń qazaq dramatýrgııasyn ǵylymı-teorııalyq negizdeý eńbekteri», «Rymǵalı Nurǵalıdyń ustazdyq, dáriskerlik ónegesi» degen baǵyttar boıynsha júredi.
