Almatyda ádebı-mýzykalyq kesh ótedi
ALMATY. Maýsymnyń 26-sy. QazAqparat /Názıra Eleýhan/- Almatyda shilde aıynyń 1-i kúni Ó. Joldasbekov atyndaǵy Stýdentter saraıynyń aldynda Baspasóz kúni jáne Astana kúni merekesine oraı, "Týǵan el - tuǵyryń, týǵan til - qydyryń" atty ádebı-mýzykalyq kesh ótedi,
dep habarlaıdy QazAqparat.
Almaty qalasy ákimdiginiń tilderdi damytý basqaramasynyń uıymdastyrýmen ótetin sharaǵa aqyn-jazýshylar, óner qaıratkerleri, qoǵamdyq jastar uıymdarynyń jetekshileri, memlekettik mekemelerdiń ókilderi, sonymen qatar stýdentter men oqýshylar qatysady.
"Bul shara - memlekettik tildi damytý men nasıhattaý, talantty jastardy qoldaý, patrıottyq sezimge tárbıeleý jáne jastar arasynda oqý mádenıetin damytýǵa maqsattalyp, qazaqstandyqtardyń rýhanı birligin nyǵaıtýǵa baǵyttalyp otyr", dedi Almaty qalasy ákimdiginiń tilderdi damytý basqaramasynyń bastyǵy Mamaı Ahetov.
Shara baǵdarlamasynda "Ana tilim", "Týǵan jerim", "Qazaqstan", "Elordasy - Astana" degen taqyryptarda óleńder oqylyp, án shyrqalatyn bolady.
Ádebı-mýzykalyq keshtiń barlyq qatysýshylaryna alǵys hattar men estelik syılyqtar tabystalady.
