Almatyda adasyp ketken 3 jasar bala tabyldy
ALMATY. QazAqparat - Almatyda polıtsııa qyzmetkerleri kóshede qaraýsyz júrgen 3 jasar balany ata-anasyna tapsyrdy, dep habarlaıdy QazAqparat tilshisi.
«Tastaq-2» shaǵyn aýdanyndaǵy dúkenderdiń biriniń aldynda 3 jastaǵy bala adasyp júrgeni týraly jergilikti turǵyndar aıtqan.
Oqıǵa ornyna «Boran-051» ekıpajy bet alǵan.
«Áıel adam 3 jastaǵy balany bizge tabystady. Bala Temirbek degen atyn ǵana biledi eken. Alaıda polıtsııaǵa jaqyn arada eshqandaı bala joǵalǵany týraly habarlama túspegen», - dedi qalalyq Polıtsııa departamentiniń bas ınspektory Serikqalı Qyzaıbaev.
Polıtsııa qyzmetkerleri balanyń jaqyn arada turatynyn paıymdaǵan.
Balany kólikke otyrǵyzyp alyp Tsıolkovskıı kóshesimen túsip kele jatqanda bala kóshede júrgen 5 jastaǵy aǵasyn tanyp qoıǵan.
«Úıde balalardyń 10 jastaǵy ápkeleri bolǵan. Ol uldardy dalaǵa oınaýǵa jibergen. Balanyń ata-anasy bul ýaqytta jumysta bolǵan. Sondyqtan, balany kórshi áıelge qaldyryp kettik», - dedi S.Qyzaıbaev.
Bul oqıǵa týraly vıdeo Instagram jelisindegi kris_p_almaty pablıginde jarııalanǵan.
