Almatyda adasyp qalǵan 4 jasar búldirshinniń anasy tabyldy
ALMATY. QazAqparat - 4 jasar Arýjannyń anasy Almaty Jetisý aýdanynyń 36 jastaǵy turǵyny bolyp shyqty.
«Áıeldiń aıtýynsha, eki qyzymen emhanaǵa barǵan. Sosyn úlken qyzymen mekeme ishine kirgen, sol sátte Arýjannyń joq bolyp ketkenin baıqamaı qalǵan. Áıel ony joǵaldy dep oılamaǵan. Bastapqyda ózi izdep tabýǵa tyrysqan, sodan keıin «112» pýltine habarlasqan. Jedel basqarý ortalyǵynyń operatorlarynda ol kezde mamandandyrylǵan batalon ekıpajy qyzdy taýyp alǵany jaıly aqparat bolǵan. Sondyqtan birden ony Almaty aýdany ІІB-ǵa jibergen. Balanyń anasynyń jyldam tabylǵany jaqsy boldy. Qazir bala anasymen qaýyshty», - dep málimdedi Jergilikti polıtsııa qyzmetiniń ıývenaldyq polıtsııa bóliminiń bastyǵy Leılá Álipbaeva.
Leıla Álipbaeva áıel men onyń otbasy aýqatty ekenin atap ótti.
