Almatyda adamnyń túr-túsin anyqtaıtyn kamera ornatylady
ALMATY. QazAqparat - Almatyda qylmyskerlerdiń bet-júzin anyqtaýǵa kómektesetin «Sergek» baqylaý kameralary ornatylady. Bul týraly «Qaýipsizdikti tsıfrlandyrý» taqyrybynda ótken IT-qoǵymdastyǵy men qalalyq ІІD-niń basqosýynda aıtaldy, dep habarlaıdy QazAqparat tilshisi.
«Sergek» kompanııasynyń ókilderi qala ákimshiligimen pılottyq jobany júzege asyrýda ózara kelisimge kelýde.
«Biz «Sergek» baqylaý kameralaryn ornatý jobasyn engizgimiz keledi. Bul isti bir aıdyń ishinde tyndyra alamyz. Panfılov kóshesiniń boıynda bir ǵana qoǵamdyq beıne baqylaý ornatylǵan. Ol jerge adamdardyń túr-túsin anyqtaıtyn fýnktsıasy bar kamera ornatqymyz keledi. Ákimshilikpen sózbe-sóz kelisimge keldik, endi ІІD-men bul máseleni pysyqtap jatyrmyz. Sharýa bekitilse atqarýǵa daıynbyz», - dedi Sergek kompanııasynyń ókili Qaırat Ahmetov.
Osyǵan uqsas júıe Astanada endigi iske qosylǵan. Sondaı-aq turmystyq zattar dúkenimen birigip urylar tirkelgen ortaq baza jasalady. Jańa joba saýda úıleriniń kireberisinde urylardy jazbaı tanýǵa kómegin tıgizbek.
