Almatyda adamdy qaǵyp ketken júrgizýshige izdeý jarııalandy
ALMATY. 29 aqpan. QazAqparat - Almatyda 47 jastaǵy áıel adamdy qaǵyp ketken júrgizýshige izdeý jarııalandy, dep habarlaıdy Almaty qalasy ІІD baspasóz qyzmeti.
Oqıǵa búgin túnde Molodejnaıa kóshesiniń boıynda, №4 turǵyn úıge qarama-qarsy jerde bolǵan. Áıeldi basyp ketken júrgizýshi, toqtamastan izin sýytqan.
"Osy jol-kólik oqıǵasynyń jaı-japsaryn anyqtaý úshin oqıǵaǵa kýá bolǵandar men qandaı da bir aqparatty biletin azamattardy Almaty qalasynyń ІІD Jol polıtsııasy basqarmasynyń 254-45-05, 253-02-22, 253-07-20, 8-701-718-90-47, 8-701-777-38-68 telefondaryna ne 102 telefonyna habarlasýyn ótinip suraımyz",-delingen habarlamada.
Ázirge izdeý-shuǵyl toby oqıǵa bolǵan jerden tabylǵan zattarǵa qarap, onyń «BMV» markaly, qara tústi kólik ekenin anyqtady. Tabylǵan zattar qylmystyq iske tirkeldi.
