Almatyda adam saýdasyna qatysty qylmystyq is tergelip jatyr
ALMATY. QazAqparat - Almatyda jyl basynan beri adam saýdasyna qatysty 30 qylmystyq is áshkerelendi, dep habarlaıdy QazAqparat tilshisi.
«Jyl basynan beri QR QK 309-baby boıynsha 23 sotqa deıingi tergeý isi tirkeldi. QR QK 308-baby boıynsha 5 qylmys jasalǵany anyqtaldy. Al QR QK 128-baby boıynsha, ıaǵnı adam saýdasyna baılanysty 1 qylmystyq is qaralyp jatyr», -dedi Polıtsııa departamentiniń uıymdasqan qylmyspen kúres basqarmasynyń bólim basshysy Aıdynbek Qoqambekov.
Onyń aıtýynsha, tártip saqshylary turaqty túrde qonaq úıler men jalǵa beriletin páterlerdi tekserip turady.
Jynoınaq jasaǵan páter qojaıyndary QR ÁqbK 450-babymen ákimshilik jaýapkershilikke tartylady.
«Jergilikti polıtsııa qyzmetiniń kómegimen atalǵan bappen 121 adam, jigitterge jónsiz jabysqan 313 boıjetken jaýapqa tartylǵan», - dedi podpolkovnık Qoqambekov.
Osyǵan deıin Almatyda jekemenshik úı órtenip, 5 otbasy dalada qalǵandyǵyn jazǵanbyz.
