Almatyda «Adam saýdasyna qarsy birgemiz» atty aqparattyq shara ótti
ALMATY. QazAqparat - Almaty qalasy ІІD BUU jarııalaǵan Dúnıejúzilik adam saýdasyna qarsy kúres kúni «Bulaq» qoǵamdyq qorymen birlesip, Almatynyń Arbat aýmaǵynda «Adam saýdasyna qarsy birgemiz» atty aqparattyq shara ótkizdi.
Bul týraly atalmysh departamenttiń baspasóz qyzmetinen habarlady.
«Adam saýdasyna qatysty qylmystardy boldyrmaý jáne aldyn alý maqsatynda, ishki ister departamenti turaqty negizde halyq arasynda, sonyń ishinde mektep oqýshylary men stýdentter arasynda túsindirý jumystaryn júrgizip turady. ıÝvenaldy polıtsııa bólimsheleri bilim berý organdarymen birlesip, qıyn jaǵdaılarǵa tap bolǵan kámeletke tolmaǵan jetkinshekterge der kezinde áleýmettik kómek kórsetý boıynsha aldyn alý sharalaryn ótkizedi. Maqsat - balalardyń jynystyq, eńbek jáne qylmystyq qanaýǵa ushyraýlaryna jol bermeý», - dedi óz sózinde Almaty qalasy ІDD Ákimshilik polıtsııa basqarmasynyń áıelderdi zorlyq-zombylyqtan qorǵaý boıynsha aǵa ınspektory Maııa Toqsanova.
Statıstıka boıynsha, qazir Almatydaǵy Kámeletke tolmaǵandardy beıimdeý ortalyǵyna qadaǵalaýsyz, qaraýsyz qalǵan 450 bala jaıǵastyrylǵan. Olardyń 129-y - mıgranttardyń balalary (QHR - 1, Grýzııa - 1, Qyrǵyzstan - 49, Ózbekstan - 37 jáne Tájikstan - 41).
Ortalyq qyzmetkerleri árbir kámeletke tolmaǵan jetkinshekpen balalardy saýdalaý derekterin anyqtaý úshin jeke-jeke áńgimelesedi. Balalardyń aty-jónderin anyqtaý úshin olardyń ata-analarymen de áńgimelesedi. Nege qarýsyz qalǵandyǵyn anyqtaıdy. Búgingi tańda 124 bala ata-analaryna nemese olardyń ornyn aýystyrýshy azamattarǵa qaıtaryldy. Taǵy 5 bala ózderiniń týyp- ósken elderindegi Kámeletke tolmaǵandardy beıimdeý ortalyqtaryna jóneltildi.
