Almatyda adam óltirdi jáne máıitin múshelep bóldi degen kúdikpen eki er adam qolǵa tústi
ALMATY. QazAqparat - Almatyda er adamdy óltirdi degen kúdikpen eki er adam ustaldy. Qaza tapqan adamnyń máıiti qoqys jáshikterinen tabylǵan.
«Ustalǵandardyń 1991 jyly týǵan R.Sıtaqtyń ólimine qatysy bolýy múmkin. Kúdiktiler 1993 jáne 1994 jyldary týǵan ShQO men Pavlodar qalasynyń týmalary. Olardyń daýlasqannan keıin qarym-qatynas buzylǵan soń osyndaı zulymdyqqa barǵany belgili boldy. Aýyr qylmys jasaǵan kúdiktiler Almatydan izin sýytyp, memlekettik shekaradan asyp ketpek boldy», - dep habarlady qalalyq ІІD baspasóz qyzmetinen.
Vedomstvoda qazir qalanyń krımınaldyq polıtsııa músheleri men Almaly aýdandyq ІІB qyzmetkerlerinen qurylǵan arnaıy jedel-tergeý toby kúdiktilerdiń Baıqońyrdan Almatyǵa jetkizilip jatqanyn aıtty.
Sotqa deıingi tergeý amaldary jalǵasyp jatyr.
Atap óteıik, 14 qyrkúıekte kúdiktilerdiń biriniń týystary Bostandyq aýdandyq ІІB-ge onyń iz-túzsiz joǵalǵany týraly aıtyp habarlady.
Eske sala keteıik, 7 qyrkúıekke qaraǵan túni Almatynyń qoqys konteınerinen belgisiz adamnyń basy men aıaq-qoldary tabyldy. Keıin kóz jumǵan adamnyń kim ekeni jáne ony qaı jerde óltirgeni anyqtalǵany týraly habarlandy. Atalǵan fakti boıynsha QR QK 99 babyna sáıkes sotqa deıingi tergeý amaldary bastaldy.
