Almatyda adam ólimine ákelgen iri jol kólik apaty boldy - Almaty ІІD
ALMATY. 25 shilde. QazAqparat /Ádilet Musahaev/ - Almatyda ótken aptanyń sońynda adam ólimine ákep soqqan jol kólik oqıǵasy oryn aldy, dep málimdeıdi qalalyq ІІD-niń baspasóz qyzmeti.
«HOWO» markaly júk kóligi Dostyq kóshesimen soltústik baǵytqa qaraı júrip kele jatqan. M.Ospanov kóshesiniń qıylysyna kelgende aýyr júgi bar júrgizýshi kóligin ıgere almaı jol jıeginde turǵan «Aýdı» kóligine soǵylǵan. Qatty soqqy ekpinimen júk kóligi toqtaı almaı, aıaldamada toqtap turǵan eki jolaýshy avtobýsyna baryp soǵylǵan.
«Osy ýaqytta aıaldamada jas jigit bolǵan. Qatty soqqynyń nátıjesinde, ol ókinishke qaraı, sol jerde kóz jumdy. Sondaı-aq oryn alǵan úlken apattan 25 jastaǵy júk kóliginiń ıesi de sol jerde jan tapsyrdy», - deıdi Almatynyń ІІD Jol polıtsııasy basqarmasynyń bastyǵy, polkovnık Arman Sarbasov.
Mamandardyń paıymdaýynsha, bul qaıǵyly oqıǵaǵa júk kóliginde týyndaǵan tehnıkalyq aqaý sebep bolýy múmkin. Esterińizde bolsa, 2009 jyly Almatyda «HOWO» markaly aýyr júk kóligi adamdardy qaǵyp óltirgen bolatyn. Sol kezde polıtseıler júk kóliginiń tehnıkalyq basqarýynda aqaý boldy dep tapqan edi.
