Almatyda adam ólimi úshin izdeýde bolǵan qylmysker ustaldy
ALMATY. QazAqparat - Almatyda kisi ólimi úshin ótken jyldan beri izdeýde bolǵan qylmysker qolǵa tústi, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, ol osy ýaqytqa deıin ár qalada qonaqúılerde tyǵylyp júrgen.
29 jastaǵy jigit bir adamdy atyp óltirdi degen kúdik bar. Qylmys byltyr jeltoqsanda jasalǵan.
«Tergeý barysynda anyqtalǵandaı, kúdikti qylmysty buzaqylyq pıǵylmen jeke bas arazdyǵyna baılanysty jasaǵan. Polıtsııa qyzmetiniń birlesken jumysynyń arqasynda qashqyn ustalyp, qamaýǵa alyndy. Tergeý amaldary júrip jatyr», - dedi qalalyq PD Krımınaldyq polıtsııa basqarmasynyń basshysy Esen Ysqaqov.
