Almatyda adam kóp jınalatyn oryndarǵa 3050 baqylaý kamerasy ornatylady

ALMATY. QazAqparat - Almatyda qosymsha áleýmettik nysandar men adamdar kóp jınalatyn oryndarda 3050 syrtqy baqylaý kamerasy qosylady. Bul týraly qala máslıhatynyń XVI sessııasy barysynda shahar basshysy Erbolat Dosaev aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha qaýipsizdikti qamtamasyz etý maqsatynda qalanyń quqyq qorǵaý organdary men Azamattyq qorǵanysynyń materıaldyq-tehnıkalyq bazasy qalpyna keltirilip qana qoımaı, nyǵaıtylatyn bolady. Qosymsha áleýmettik nysandar men adamdar kóp jınalatyn oryndarda 3050 syrtqy baqylaý kamerasyn qosý josparlanýda», – dedi qala Erbolat Dosaev.

Buǵan deıin Almaty ákimi bastaýysh synyp oqýshylary tegin tamaqtandyrylatynyn aıtqan bolatyn.

Oǵan jergilikti bıýdjetten bıyl 5,3 mlrd teńge bólinedi.