Almatyda Adam Bol Awards syılyǵynyń laýreattary marapattaldy
Almatyda alty adamdy, onyń ishinde tórt balany órtten qutqarǵan Qazaqstannyń aýyr atletıkadan chempıony Dáýren Rymqulov Adam Bol Awards syılyǵynyń laýreaty atandy.
Saltanatty sharaǵa qatysqan shahar basshysy Baqytjan Saǵyntaev qaharmandardyń aramyzda júrgenin jáne Adam Bol Awards syılyǵy olardyń jasaǵan erlikterin búkil álemniń biletinine yqpal etetinin atap ótti.
«Laýreattardyń árqaısysy qurmetke laıyq ári qoǵamǵa qyzmet etýdiń, janqııarlyq pen batyldyqtyń úlgisi», - deıdi Almaty ákimi Baqytjan Saǵyntaev.
Jeńimpazdar arasynda almatylyq, haıýanattar quqyn qorǵaýshy Sergeı Snegırev te bar. Ol otqa oranǵan angardan 22 ıtti alyp shyqty.
Qıyn jaǵdaıda kómek qolyn sozyp, janqııarlyqtyń úlgisin kórsetken birqatar qazaqstandyqtardyń erligi atalyp ótildi.
Alǵashqy jahandyq qazaqstandyq Adam Bol Awards syılyǵy ómirde erlikke árdaıym oryn bar ekenin óziniń isimen shynaıy kórsete bilgen adamdarǵa arnalǵan.
Jobanyń quryltaıshysy — qoǵam qaıratkeri, «Jandaný álemi» qaıyrymdylyq qorynyń negizin qalaǵan Álııa Nazarbaeva. Ol sonymen qatarq qoǵamdyq mańyzdy bastamalardy damytý qorynyń negizin qalaýshy, Qazaqstan Respýblıkasy Ekologııalyq uıymdar qaýymdastyǵynyń tóraıymy, «Ulttyq balalar ánderiniń «Bala daýysy» jobasynyń avtory.
