Almatyda Ábish Kekilbaev pen Farıza Ońǵarsynova atyndaǵy kósheler paıda boldy
ASTANA. QazAqparat - Almatyda 160-tan asa kósheniń jańa ataýy bekitildi. Bul týraly máslıhat sessııasy barysynda aıtyldy, dep habarlaıdy massaget.kz.
Almaty máslıhatynyń sessııasy barysynda Alataý jáne Bostandyq aýdandaryndaǵy birneshe kósheniń jańa ataýy bekitildi.
"Kóshe ataýlaryn ózgertýdiń birden-bir sebebi - olardyń qaıtalana beretini", - dep túsindirdi qalalyq máslıhattyń hatshysy Qaldybaı Qazanbaev.
Almatyda jańa ataýlar bekitilgen soń qalada qazaq ádebıetiniń qos maıtalmany Ábish Kekilbaev, Farıza Ońǵarsynova atyndaǵy kósheler paıda boldy.
Eske sala keteıik, bıyl mamyr aıynda Almaty máslıhatynyń komıssııasy 164 kósheniń ataýyn ózgertýdi usynǵan bolatyn.
