Almatyda «Abaıǵa oralý» atty onlaın kontsert ótti
ALMATY. QazAqparat - Qazaq ulttyq qyzdar pedagogıkalyq ýnıversıtetiniń «Ular» etno-fıýjn ansambli «Abaıǵa oralý» onlaın kontsertin uıymdastyrdy, dep habarlaıdy QazAqparat tilshisi.
10 tamyz – Abaı kúnine oraılastyrylyp uıymdastyrylǵan sharada ónerpazdar uly aqyn hám oıshyldyń kópshilikke tanymal, shoqtyǵy bıik mýzykalyq shyǵarmalaryn oryndady. Olardyń qatarynda Abaıdyń «Kózimniń qarasy...», «Aıttym sálem, Qalamqas» syndy ánderi men «Jeldirme», «Torjorǵa» sııaqty kúıleri bar», – dedi oqý ornynyń baspasóz qyzmetiniń jetekshisi Jandar Asan.
Onlaın kontsertte oryndalǵan týyndylar Qyzdar ýnıversıtetiniń áleýmettik jelidegi resmı paraqshalary arqyly kópshilik nazaryna usynyldy.
Aıta keteıik, «Ular» etno-fıýjn ansambli 1987 jyly qurylǵan. 30 jyldan astam ýaqyt boıy qazaq mýzykalyq shyǵarmashylyq ónerin jańǵyrtýǵa úles qosyp kele jatqan bul óner ujymy sondaı-aq ulttyń umyt bola bastaǵan kóptegen mýzykalyq aspaptaryn qaıta jandandyrdy.
Ónersúıer qaýymnyń ystyq yqylasyna bólengen ansambl Qytaı, Mońǵolııa, Túrkııa, Reseı, Ózbekstan jáne taǵy da basqa alys-jaqyn shet elderge gastroldik saparlar jasap, qazaq ónerin nasıhattaýǵa zor septigin tıgizdi.
