Almatyda “Abaıdyń qarasózderi” qazaq, orys, aǵylshyn tilderinde qatar jaryq kórdi
; ALMATY. Sáýirdiń 8-i. QazAqparat /Názıra Eleýhan/ - Búgin Almatyda qazaq, orys, aǵylshyn tilderinde qatar jaryq kórgen "Abaıdyń qarasózderi" kitabynyń tusaýkeser rásimi bolyp ótti,
dep habarlaıdy QazAqparat.
Atalmysh kitapty «Halyqaralyq Abaı klýby» qoǵamdyq birlestigi 4000 danamen shyǵardy.
«Abaı eńbegin orys tiline aýdarǵan qazaqtyń ataqty aýdarmashysy Klara Serikbaeva. Ol Shákárim, Áýezov, Aımaýytov syndy ulylardyń shyǵarmalaryn orys tiline, shyǵys ǵulamalarynyń eńbekterin qazaq tili men orys tiline aýdarǵan. Al, aǵylshyn tiline aýdarmashyny biz uzaq izdedik. Óıtkeni, uly Abaıdyń shyǵarmasy qazaq halqynyń rýhanı mádenıetiniń shyńy bolyp tabylady. Sondyqtan biz, eń jaqsy aýdarmashy-aqyndy izdedik. Bizdiń suraýymyzben, Abaı eńbegin meniń Anglııadaǵy dosym, túrkitanýshy Rıchard Makkeın aýdardy. Ol orystyń uly aqyndarynyń shyǵarmalaryn aǵylshyn tiline aıdarǵan aýdarmashy- aqyn», dedi «Halyqaralyq Abaı klýby» qoǵamdyq birlestiginiń prezıdenti, jazýshy Rollan Seısenbaev.
Tanystyrylym barysynda Almaty qalasy tilderdi damytý basqarmasynyń bastyǵy Ahetov Mamaı: «Kitapty shyǵarýdaǵy basty maqsat - qazaqtyń uly aqyny Abaıdyń shyǵarmalaryn álemge tanystyrý. Bul kitap qazaq, aǵylshyn tilderin úırenýshilerge taptyrmas qural», dep atap ótti.
