Almatyda Abaıdyń 175 jyldyq mereıtoıyna arnalǵan ádebı mýzykalyq shara ótti

ALMATY. QazAqparat – Almatyda Abaıdyń 175 jyldyǵyna oraı «Men bir jumbaq adammyn ony da oıla» atty kontsert ótti. Sharany Temirbek Júrgenov atyndaǵy Qazaq ulttyq óner akademııasy uıymdastyrdy. Keshke mádenıet, óner salasynyń qaıratkerleri qatysty, dep habarlaıdy QazAqparat tilshisi.

Ádebı mýzykalyq kesh Muhtar Áýezov atyndaǵy Qazaq memlekettik akademııalyq drama teatrynda ótti. Uly aqyn, kompozıtor, fılosof, aǵartýshy Abaıdyń 175 jyldyq mereıtoıyna arnalǵan ádebı-sazdy keshte kemeńgerdiń osyǵan deıin kóp aıtylmaǵan ánderi oryndaldy.

«Biz tek óner adamy emespiz, elimizdiń bolashaǵy – jastardy óner men bilimge qatar baýlyp júrgen býynbyz. Sol sebepti, Abaı ómiri men shyǵarmashylyǵy árbir talapty jastyń, janashyr úlkenniń aınymas serigine aınalýy kerek. Bul keshtiń osy, ortaq múddeni oryndaýda, kemeńger murasyna tereń úńilip, bolashaq urpaqqa úlgi-ónege berý jolynda mańyzy zor», – deıdi Júrgenov atyndaǵy qazaq ulttyq óner akademııasynyń rektory Aqan Ábdýálıev.

Keshte jas ártister Abaıdyń qara sózderin mánerlep oqyp, sahnalyq qoıylymdaryn usyndy.