Almatyda Abaı jáne Ál-Farabı dańǵyldaryn jóndeý jumystary 20-shy tamyzǵa deıin aıaqtalady
Almaty ákimdiginiń málimetinshe, qaladaǵy negizgi dańǵyldarda kólik qozǵalysy bekitilgen kestege sáıkes 31 tamyzǵa qaraı aıaqtalýy kerek bolǵan. Alaıda jóndeý jumystary 20 tamyzǵa deıin aıaqtalady, dep josparlanyp otyr.
Ál-Farabı dańǵylynyń ońtústik betinde jumystar tolyǵymen aıaqtalyp, soltústik betinde Dostyq dańǵylynan Hodjanov kóshesine deıin jóndelgen bolatyn. Endi 5 tamyz saǵat 23:00-den 7 tamyz 06:00-ge deıin Qojanov kóshesinen Gagarın dańǵylyna deıin polımerli asfaltbeton jabynyn tóseýge baılanysty kólik qoozǵalysy shekteledi. 6 tamyz kúni Qojanov kóshesinen Dýlatı kóshesine deıin reversıvti kólik qozǵalysy uıymdastyrylady.
Abaı dańǵylynda eki merdiger uıym qatar jumys istep jatyr. Batys baǵytta Dostyq dańǵylynan Rozybakıev kóshesine deıin jóndeý jumystary aıaqtalyp, kólik qozǵalysy ashylǵan. Al shyǵys baǵytta Naýryzbaı batyr kóshesinen Dostyq dańǵylyna deıingi sońǵy bólik jóndelmek. Atalǵan bólikte 6 tamyz saǵat 23.00-den 8 tamyz saǵat 06.00-ge deıin polımerli asfaltbeton jabynyn tóseýge baılanysty kólik qozǵalysy shekteledi.
«Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar», - dep habarlady ákimdikte.