Almatyda Abaı oqýlary ótip jatyr
/strong>Tamyzdyń 10-y. QazAqparat /Ádilet Musahaev/ - Abaı qazaqta jalǵyz. Kózi tirisinde uly Abaı óziniń jalǵyz ekenin júregimen, oıymen, janymen, bar bolmysymen sezingen.
Bul jaıynda QR Jazýshylar odaǵynyń basqarma tóraǵasy, Memlekettik syılyqtyń laýreaty, aqyn Nurlan Orazalın Almatyda ótken «Abaı oqýlary» kezinde aıtty, dep habarlaıdy QazAqparat.
N.Orazalın kemeńger, danyshpan tulǵanyń 19-shy ǵasyrdyń alasapyranǵa toly kezeńinde ǵumyr keshkendigin aıta kele onyń fılosofııasy, ultyna arnaǵan sózderi óziniń máńgiligin úshinshi ǵasyrǵa bastap bara jatqandyǵyn jetkizdi.
«Búgin biz taǵy da sol aqynnyń, uly Adamnyń qalamyzdyń tórindegi eskertkishi aldynda rýhyna taǵzym etip, zaman qaqynda, aqyn týraly syrlasý úshin jınalyp otyrmyz. Bıylǵy bas qosýdyń jóni jyldaǵydan bólekteý, olaı deıtinimiz bıyl Abaıdyń týǵanyna 165 jyl.
Abaıdyń fılosofııalyq kózqarasy, halyqty ımandylyqqa baǵyttaıtyn, ulylyqqa tárbıeleıtin, ultty qadirleýge, urpaqty jigerlendiretin oılary ólmeıdi», deıdi aqyn.
Sondaı-aq atalmysh sharaǵa ǵulama aqynnyń urpaqtary kelip, atalarynyń týǵan kúnin atap ótip jatqan barsha jurtqa rızashylyǵyn bildirdi.
Shara barysynda aqynnyń óleńderi oqylyp, jas ónerpazdar án-kúılerin arnady.
