Almatyda Abaı dańǵylyndaǵy estakada ashyldy
ALMATY. QazAqparat - Almatyda Abaı dańǵylyn uzartý jumystary aıasynda Áshimov kóshesiniń qıylysyndaǵy kópir ashyldy. Estakadanyń uzyndyǵy – 396 metr, ár baǵytta tórt jolaq bar, dep habarlaıdy QazAqparat tilshisi.
Almaty qalalyq Mobıldilik basqarmasynan málim etkendeı, ıAsaýı kóshesinen Bereke kóshesine deıingi ýchaske boıynsha qozǵalys ýaqytsha jabyq. Nysandaǵy qurylys jumystaryn 2022 jyldyń qyrkúıegine deıin aıaqtaý josparda. Munda jan-jaqqa shyǵatyn joldardyń jıegin ornatý, aýmaqty abattandyrý, jerústi jaıaý júrginshiler ótkelderin salý, joǵarǵy qabatqa asfaltbeton jabynyn tóseý jáne taǵy basqa jumystar oryndalatyn bolady.
Abaı dańǵylynan shyǵatyn eki aıyryq joldy jasaý aıaqtalǵanǵa deıin Áshimov kóshesiniń qıylysyndaǵy kólik qozǵalysy baǵdarshammen retteý ýaqytsha uıymdastyryldy.
Áleýmettik jelilerde atalǵan ýchaskeni kvadrokopterdiń kómegimen túsirilgen vıdeo paıda boldy.
Eske salaıyq, 14 jeltoqsan kúni Abaı dańǵylyn uzartý ýchaskesinde kólik qozǵalysy ashylǵan bolatyn.
