Almatyda Abaı dańǵyly boıyndaǵy avtobýs jolaǵy uzartylýy múmkin
ALMATY. QazAqparat - Almaty ákimi Erbolat Dosaev turǵyndardyń ótinishinen keıin Abaı dańǵylynyń boıyndaǵy qoǵamdyq kólikter úshin bólingen jolaqty uzartýdy tapsyrdy, dep habarlaıdy QazAqparat tilshisi.
Qala ákimimen kezdesýde Áýezov aýdanynyń turǵyny Abaı dańǵylynyń Áshimov kóshesinen Momyshuly kóshesine deıingi bóliginde qoǵamdyq kólikterge basymdyq berýdi surady.
Almaty qalalyq mobıldilik basqarmasynyń basshysy Saǵyndyq Telibaev Abaı boıynan Momyshuly kóshesine deıin arnaıy jolaq bar ekenin aıtty.
«Aldaǵy ýaqytta qoǵamdyq kólikterdiń jumysyn jaqsartý úshin arnaıy jolaqpen qamtamasyz etýge bolady», - dedi basqarma basshysy.
Qala ákimi Erbolat Dosaev bul máseleni qarap, usynys engizýdi tapsyrdy.
«Jolaqty kósheniń oń jaǵyna da, sol jaǵyna da, batys-shyǵys baǵytta Abaı dańǵyly boıymen sońyna deıin jetkizeıik», - dedi qala ákimi.
