Almatyda Abaı dańǵyly boıynda kólik qozǵalysy shekteledi
ALMATY. QazAqparat - Almatyda Abaı dańǵylynyń batys baǵytynda kólik qozǵalysy ýaqytsha jabylady, dep habarlaıdy QazAqparat tilshisi.
«Almaty jylý júıesi» kásipornynyń málimetinshe, Almatyda 9 maýsymda saǵat 22.00-den 10 maýsym saǵat 15.00-ge deıin Abaı dańǵyly boıymen batys baǵytta (Saıyn kóshesinen «GASENERGY» janarmaı quıý beketine deıin) kólik qozǵalysy ishinara jabylady.
Abaı dańǵyly boıymen shyǵys baǵytta qozǵalys eki jaqqa da ashyq bolady.
«Atalmysh dańǵyl segmentiniń júris bóligi astynda ótetin magıstraldyq qubyr ýchaskede josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi. Májbúrli qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz», - dep habarlady «Almaty jylý júıesi» JShS baspasóz qyzmeti.
