Almatyda Abaı dańǵyly boıymen merekelik tsırk kavalkadasy júrip ótti (FOTO)
ALMATY. QazAqparat - Búgin Abaı dańǵyly boıymen Almaty tsırkiniń «12 arystan jáne Mysyr hanzadasy» atty halyqaralyq jobasyna qatysýshy ártisteriniń merekelik kavalkadasy júrip ótti.
Sherýge «Nomad» at-akrobatıkalyq toby, úıretilgen arystan, jonglerler, saıqymazaqtar jáne tsırk baleti qatysty.
«Bul shara Almaty qalasynyń 1000 jyldyq mereıtoıyna arnalady. Osyǵan oraı, Qazaq memlekettik tsırki óziniń merekelik kavalkadasyn bastaıdy. Oǵan Mysyrdan jetkizilgen 12 arystan qatysady. Biz qazir «12 arystan jáne Mysyr hanzadasy» kórsetilimin daıyndap jatyrmyz. Búgingi kavalkada quramynda attar, arystan, kúımeli arbaǵa jegilgen attar, akrobattar men saıqymazaqtar boldy», - dedi Qazaq memlekettik tsırkiniń dırektory Baqyt Bókebaev.
Kavalkada úsh kúnge sozylady jáne ár kúni jańa baǵyt boıynsha júredi.
Al, búgin tsırkten shyqqan kavalkada Abaı dańǵyly boıymen júrip otyryp, Dostyq dańǵylyna deıin baryp qaıtty.
Aıta ketelik, ańdardy qolǵa úıretýden esimi álemge tanymal bolǵan tulǵa, Mysyr Arab Respýblıkasynyń eńbek sińirgen irtisi Hamada Kýta 16 shildede Almaty tsırkinde óziniń «12 arystan jáne Mysyr hanzadasy» atty attraktsıonymen óner kórsetedi.
