Almatyda AÁK-ti 2500 otbasy aldy

ALMATY. QazAqparat – Ataýly áleýmettik kómekti (AÁK) 2500 myń almatylyq aldy. Bul týraly Almaty qalasy áleýmettik ál-aýqat Basqarma basshysy orynbasarynyń mindetin atqarýshy Danııar Álkebaıuly baspasóz máslıhaty barysynda aıtty, dep habarlaıdy QazAqparat tilshisi.

Almatyda jyl basynan beri AÁK boıynsha 10500 otbasyǵa konsýltatsııalyq qyzmet kórsetildi. 4 256 ótinish qabyldandy, 3401 otbasyǵa ataýly áleýmettik kómek taǵaıyndaldy taǵy 313 qujat ýchaskelik komıssııanyń qaraýynda. 2 533 otbasyǵa AÁK tólendi.

«Ótinishterdi qabyldaý aýdandyq áleýmettik ál-aýqat bólimderinde, Almaty qalasy ákimdiginiń halyqty jumyspen qamtý jáne Alataý aýdanynyń «Baqytty otbasy» ortalyǵynda júzege asyrylyp jatyr»,- deıdi Danııar Álkebaıuly.

Sonymen qatar, ol bos júrgen otbasy múshelerine jumys usynylatynyn, eger olar jumystan bas tartsa AÁK taǵaıyndalmaıtynyn jetkizdi.

«Ataýly áleýmettik kómek ár otbasyǵa jeke esepteledi. Qala boıynsha kedeılik shegi 26300 teńge shamasynda, otbasynyń tabysyn adam basyna shaqqanda osy somadan aspasa, ol otbasy AÁK qujat tapsyra alady. Sońǵy ózgeristerge sáıkes endi otbasynda birge turyp jatqan adamdardyń da tabysy esepke alynady», - dedi ol.

Budan bólek, 2020 jyldan bastap az qamtylǵan otbasylardan shyqqan balalar úshin zattaı qoldaýdy qamtıtyn kepildi áleýmettik paket qarastyrylǵan.