Almatyda A, Arystanbekovanyń «Halyqaralyq qatynastardaǵy qazirgi zamanǵy betalystar» atty kitaby tanystyryldy

Monografııa HH jáne HHІ ǵasyrlar mejesindegi álemdegi jahandaný men ózara táýeldiliktiń artýynyń yqpalymen halyqaralyq júıede bolǵan sapalyq rettegi túbegeıli ózgeristerdi ǵylymı zertteýge arnalǵan. Kitapta álemdik ıntellektilik keńistiktegi halyqaralyq qatynastar salasyndaǵy eń jańa jarııalanymdardy zertteý negizinde qazirgi zamanǵy jahandyq basym problemalar zerdelengen.

Avtordyń aıtýynsha, HHІ ǵasyrda qalyptasyp otyrǵan tarıhı mán-mátini álemdik saıasattaǵy jańa betalystarmen, halyqaralyq qatynastardaǵy jańa qatysýshylardyń qareketiniń kúsheıýimen, «kúsh», «qaýipsizdik», «ulttyq múddeler» sekildi negizgi uǵymdardyń mániniń keńeıýimen, álemdik saıasatta jańa yqpal ortalyqtarynyń paıda bolýymen erekshelenedi.

Aqmaral Arystanbekovanyń pikirinshe, qazirgi zamanǵy álemdik úderister óskeleń dárejede jahandanýdyń yqpalymen anyqtalady. «Munyń mánisi memleket ulttar júıesinen birtutas álem men transulttyq qoǵamdastyqqa qaraı qurylymdyq ózgeris bolyp otyr»,-dedi ol.

Kitap jeti taraýdan turady. Bunymen qatar avtor qazirgi zamanǵy termınder sózdigin qurastyrǵan. Onda halyqaralyq uıymdardyń qujattarynda jáne sheteldik zertteýshilerdiń halyqaralyq qatynastar men dúnıejúzilik saıasat problemalary jónindegi jarııalanymdarynda jıi paıdalanylatyn, aǵylshyn tilindegi 100-den astam termın qamtylǵan.