Almatyda 99 jastaǵy ájeı koronavırýsqa qarsy vaktsına aldy
ALMATY. QazAqparat – Almatyda 99 jastaǵy ájeı koronavırýsqa qarsy vaktsına aldy, dep habarlaıdy QazAqparat tilshisi.
Búgin №36 qalalyq emhanada 99 jastaǵy batyr ana - Zaǵısha Shalova ekpe saldyrdy. 12 balanyń anasy, 15 nemereniń ájesi «Spýtnık V» reseılik preparatyn tańdady.
«Bul meniń jeke sheshimim, men bul aýrýdyń meni jáne meniń týystarymdy aınalyp ótse deımin. Balalarymnyń barlyǵy ekpe alyp qoıǵan. Qazir ózimdi jaqsy sezinem, esh aýytqýlar nemese ózimdi jaman sezingen emespin, ary qaraı da osylaı bolady dep úmittenemin»,- deıdi ájeı.
Vaktsına salý bastalǵaly beri Naýryzbaı aýdany boıynsha 27 myń adam ekpe aldy, ondaǵy 40% №36 qalalyq emhanasynda alǵan.
Aýdan boıynsha ekpe alǵandardyń arasynda vaktsınadan soń esh asqynýlar oryn almaǵan.
«Turǵyndar arasynda vaktsına saldyrǵysy keletinder sany artyp keledi. Ár azamat bekitilgen jerine qaramastan qaladaǵy qalaǵan emhanada vaktsına ala alady. Kúndelikti bizdiń emhanaǵa koronavırýs ınfektsııasynan vaktsına alýǵa 150 -200 shaqty adam keledi», -dedi №36 qalalyq emhananyń bas dárigeri Gúljaınat Tilegen.
Koronavırýsqa qarsy vaktsına alý №36 emhanada demalyssyz kúndelikti saǵat 08.00-den 20.00-ge deıin júrgiziledi.
