Almatyda 98,5 keli marıhýana saqtap kelgen 45 jastaǵy azamatty ustady

Bul týraly búgin jýrnalıstermen bolǵan brıfıngte Іshki ister mınıstrliginiń resmı ókili Nurdildá Oraz aıtty.

Onyń derekterine qaraǵanda, ustalǵan sátte atalǵan azamattan 35 gramm marıhýana tabylǵan. Al onyń turǵylyqty jerin tekserý barysynda 98,5 keli marıhýana salynǵan 3 qorjyn tárkilendi. Ustalǵan azamat esirtki saýdalaǵany úshin buryn da sottalǵan bolyp shyqty. «Al Jambyl oblysynyń polıtseıleri esirtki saýdalaý kezinde 46 jastaǵy qylmystyq top múshesin quryqtady. Odan 340 myń teńge men 4 keli gashısh jáne 16 keliden astam marıhýana tabylǵan. Kúdikti azamat qamaýǵa alynyp, tekserý jumystary júrgizilýde», - dedi resmı ókil.