Almatyda 97 jastaǵy zeınetkerden koronavırýs anyqtaldy
ALMATY. QazAqparat – Almatyda COVID-19 vırýsyn juqtyrýdyń jańadan 23 jaǵdaıy anyqtaldy, onyń barlyǵy indet juqtyrǵan naýqaspen baılanysta bolǵandar. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
«Olardyń ishinde 17 áıel, 5 er adam jáne 6 jasar bala bar. Jańadan anyqtalǵandardyń arasynda 97 jastaǵy zeınetker áje de bar»,– dep habarlaıdy Almaty qalalyq qoǵamdyq densaýlyq saqtaý basqarmasy.
Qalalyq densaýlyq saqtaý basqarmasynyń málimetinshe, búgingi kúni juqpaly aýrýlar statsıonarlarynda 717 adam bar. Naýqastardyń jaı-kúıi ázirge ózgerissiz, bir adamda – óte aýyr, 23 adamda – aýyr, 200 adamda – ortasha aýyrlyq dárejesinde, qalǵandarynda – qanaǵattanarlyq.
Jalpy, 25 sáýirge Almatyda koronavırýstyq ınfektsııany juqtyrýdyń rastalǵan 814 jaǵdaıy tirkeldi.
