Almatyda 94 joba qarjylandyryldy
ALMATY. QazAqparat – Óńirlik kommýnıkatsııalar qyzmeti alańynda ótken brıfıng barysynda Almaly aýdany ákiminiń mindetin atqarýshy Arhat Omarov kásipkerlik sýbektilerin qoldaý boıynsha sharalardyń kúsheıtilgen rejımde jalǵasyp jatqanyn aıtty, dep habarlaıdy QazAqparat tilshisi.
«Daǵdarysqa qarsy sharalardy iske asyrý aıasynda jáne áleýmettik – ekonomıkalyq turaqtylyqty qoldaýǵa baǵyttalǵan qala ákiminiń tapsyrmasyn oryndaý úshin kásipkerlerdi saýyqtyrý jáne memlekettik qoldaýdyń basty quraly qarjylandyrý baǵdarlamalary bolyp tabylady. Almaly aýdany boıynsha bıyl 9,2 mlrd teńgeniń 104 jobasy qarjylandyryldy», - dedi ol.
Onyń ishinde:
– «Bıznestiń jol kartasy - 2025» baǵdarlamasy boıynsha - 89 joba;
– nátıjeli jumyspen qamtýdyń jáne jappaı kásipkerlikti damytýdyń «Eńbek» baǵdarlamasy boıynsha – 10 joba;
– «Almaty Business» baǵdarlamasy boıynsha - 5 joba.
Arhat Omarovtyń aıtýynsha, «Bıznestiń jol kartasy – 2025» memlekettik baǵdarlamasy sheńberinde ekonomıkanyń basym sektorlarynda shaǵyn kásipkerlik sýbektilerine jáne start-up jobalardy, ınnovatsııalardy jáne jańa bıznes-ıdeıalardy damytýǵa arnalǵan 5 mln teńgege deıin granttar beriledi. Búgingi tańda Almaty qalasy boıynsha barlyǵy 266 joba maquldandy. Osy memlekettik baǵdarlama aıasynda kásipkerlik sýbektilerine 8%-dyq mólsherleme boıynsha jeńildetilgen qaryzdar beriledi, onyń sheńberinde 779 joba qoldaý tapty.
«Halyqty ónimdi jumyspen qamtýǵa tartý maqsatynda 2017-2021 jyldarǵa arnalǵan «Eńbek» nátıjeli jumyspen qamtý jáne jappaı kásipkerlikti damytý memlekettik baǵdarlamasy iske asyrylýda, oǵan aǵymdaǵy jyly 2 mlrd teńge bólindi. Qazirgi ýaqytta Almatyda 168 joba qarjylandyrylyp, maquldandy jáne 10 joba maquldandy»,– dedi ol.
Budan basqa, «Almaty Business» óńirlik baǵdarlamasy aıasynda shok jobalaryn Kredıtteý «Damý» Qorymen birlesip júzege asyrylady. Búgingi tańda Almatyda osy baǵdarlama boıynsha 47 joba qarjylandyrylyp, maquldandy.
Esterińizge sala keteıik, shaǵyn jáne orta bıznesti qoldaý jáne damytý aıasynda kásipkerlikti damytýdyń «Almaty Business-2025»óńirlik baǵdarlamasy iske qosyldy. Kórsetiletin qoldaý sharalarynyń qoljetimdiligin qamtamasyz etý maqsatynda nesıeleý lımıti 12,2 mlrd teńgege deıin ulǵaıtyldy. Qaryzdar 7 jylǵa deıingi merzimge jyldyq 6% jáne 2% mólsherlemeler boıynsha 500 mln teńgege deıin beriledi. Búginde Almaty qalasy boıynsha 9,1 mlrd teńgeniń 94 jobasy qarjylandyryldy. 11 joba qaralý satysynda.
«2017 - 2021 jyldarǵa arnalǵan «Eńbek» nátıjeli jumyspen qamtý jáne jappaı kásipkerlikti damytý» baǵdarlamasyna sáıkes: 4 819 azamat jumysqa ornalastyryldy. Sondaı - aq, jańa nysandardy ashý jáne shaǵyn jáne orta bıznesti damytý esebinen 4 675 jańa jumys orny quryldy (jospar boıynsha 4100)», - dep atap ótti Arhat Omarov,
Jalpy, Almaty qalasy ákimdiginiń derekteri boıynsha 1 jeltoqsandaǵy jaǵdaı boıynsha 77 myńnan astam jumys orny quryldy.
