Almatyda 930 problemalyq jer ýchaskesi anyqtaldy
Almatyda 2011 jyldan bastap qala aýmaǵy 2 esege ıaǵnı, 68 myń 351 gektarǵa deıin ósken. Búginde ol 4 aımaqqa bólingen shaharda kórsetiletin qyzmetterdiń sany artyp keledi. Máselen, bıylǵy 9 aıda turǵyndarǵa 14 500 qyzmet kórsetilgen. Bul ótken jylmen salystyrǵanda, 27% -ǵa kóp. Al, tsıfrlandyrý aıasynda jyl basynan beri 1087 qyzmet onlaın kórsetilgen.
«Bıyl qala ákimi Baqytjan Saǵyntaev ózi búkil aýdandarǵa baryp shyqty. Aýdandarda kóbinese jer máselesi kóterildi. Sonyń deni Alataý, Jetisý aýdandarynda. 1-2 aıdyń ishinde Alataý aýdany týraly aıtatyn bolsaq, 930 problemalyq jer ýchaskeleri tabyldy. Solardyń 724-i sheshildi», – dedi Almaty qalasy jer qatynastary basqarmasynyń basshysy Ardaq Samambetov.
Jyl basynan beri jeke jáne zańdy tulǵalar arasynda turǵyndardan jer máselesine qatysty 351 hattama toltyrylydy. Búginde turǵyndar arasyndaǵy daý bolǵan máseleler departament jáne qalalyq sottyń qatysýymen sheshilip jatyr.
«2019 jyldyń qorytyndysyna sáıkes, qazirgi tańda 70 jer ýchaskesin paıdalanbaǵany úshin alyp qoıý týraly sheshim qabldandy. Atalǵan jer ýchaskeleri ilgeri ýaqytta qujattary berilgennen keıin sot oryndaýshylarymen saýda sattyqqa shyǵarylatyn bolady. Saýda sattyq negizinde basqa adamdaǵa satylady», – dedi qala qurylysyn baqylaý basqarmasy basshysynyń orynbasary Azat Islamov.
Jıyn barysynda jer qatynastary men qala qurylys basqarma basshylary 2019 jyldy qorytyndylady. Budan bólek, qoǵamdyq keńes músheleriniń suraqtaryna jaýap berip, aldaǵy jyldyń josparymen bólisti.
