Almatyda № 92 baǵyttaǵy avtobýstar tolyq jańardy
ALMATY. QazAqparat – Almatyda № 92 baǵdarda qatynaıtyn avtobýstar 100 paıyzǵa jańardy, dep habarlaıdy QazAqparat tilshisi.
Almatylyqtardyń ótinishteri boıynsha atalmysh baǵyt uzyndyǵy 12 metrlik 20 jańa avtobýspen tolyqty. 100% jańarǵan qoǵamdyq kólik qala kóshelerine 19 qazanda shyqty. Olardyń barlyǵy tómen edendi, syıymdylyǵy úlken ári qala jolaýshylaryn tasymaldaý úshin arnaıy jasaqtalǵan.
Avtobýstar tabıǵı gazben júredi. Aýabaptaǵysh pen beınebaqylaý ornatylǵan. Syıymdylyǵy –104 adam, 22 otyratyn oryn bar. Budan bólek, múgedekterge arnalǵan 3 oryn bar.
