Almatyda 900 myń teńgeni jymqyrǵan valıýta aıyrbastaý pýnkti dırektorynyń orynbasary ustaldy
ALMATY. 11 mamyr. QazAqparat - Almatyda valıýta aıyrbastaý pýnktteri biriniń dırektory aqsha jymqyrdy dep óz orynbasarynyń ústinen polıtsııaǵa shaǵymdandy. Kúdiktini tergeý barysynda óz kúnásin moıyndaýǵa májbúr boldy.
«40 jastaǵy bul azamat óziniń túsiniktemesinde kassadan bul qarjyny otbasylyq jaǵdaıǵa baılanysty alǵanyn. Alaıda ony keıin qaıta qaıtarýdy josparlaǵanyn aıtyp aqtalady. Onyń ras, ótirik ekenin aldaǵy tergeý jumystary kezinde tolyq anyqtaımyz. Qazirgi tańda onyń bul árketi QR Qylmystyq kodeksiniń normasy boıynsha ózine senip tapsyrylǵan bóten adamnyń múlkin talan-tarajǵa salý dep qarastyrylyp otyr», - deıdi Áýezov aýdanynyń Іshki ister basqarmasnyyń bastyǵy Nurlan Almasbekov. Onyń aıtýynsha, mundaı jaǵdaı Almatyda ótken jyldyń qyrkúıeginde tirkelgen bolatyn. Onda lombard qyzmetkeri jalǵan qaraqshylyq shabýyl uıymdastyrǵan edi. 1996 jyly týǵan bul azamatsha atalmysh lombardta kassır bop jumys jasaǵan. Ol qojaıynynyń revızııa jasaǵaly júrgenin bilip, óz qurbysymen kelisip seıftegi aqsha men kepildikte turǵan altyn buıymdaryn alyp, beınebaqylaýdy óshirip, onyń jazbasyn ózimen birge alyp ketedi. Alaıda qylmysy 2 saǵattyń ishinde áshkere boldy.
