Almatyda 90 adam koronavırýs juqtyrǵan
ALMATY. QazAqparat – Almaty qalalyq Qoǵamdyq densaýlyqty saqtaý basqarmasynyń basshysy Tileýhan Ábildaev qaladaǵy epıdemıologııalyq ahýal týraly baıandady, dep habarlaıdy QazAqparat tilshisi.
Onyń aıtýynsha, Almatyda 90 adam koronavırýs ınfektsııasyn juqtyrǵan.
«Almatyda koronavırýstyq ınfektsııany juqtyrýdyń rastalǵan 90 jaǵdaıy tirkeldi. Infektsııalyq statsıonarlarda Almaty oblysynan 1 patsıentti eskergende 80 adam jatyr, onyń ishinde 1 bala bar. Barlyq baılanysta bolǵan adamdar tabylyp, oqshaýlandy. Keshe Covid-19-dan saýyǵyp, taǵy bir patsıent aýrýhanadan shyǵaryldy. Jalpy Almatyda 11 adam jazylyp shyqty. Qazirgi ýaqytta provızorlyq ortalyqtarda barlyǵy 619 adam bolsa, onyń ishinde 81-i — bala. Eki kúndik karantındik oqshaýlaýda 520 adam jatyr, onyń ishinde 50-i bala. Úı karantıninde 3853 azamat bar», - dedi Tileýhan Ábildaev.
