Almatyda 9 jastaǵy bala izdestirilip jatyr
ALMATY. QazAqparat – Almaty polıtsııasy iz-túzsiz joǵalǵan 9 jastaǵy balany izdestirip jatyr, dep habarlaıdy QazAqparat tilshisi.
Polıtsııanyń habarlaýynsha, Mesýt Myrzaqulov 1 qyrkúıekte túski 13:00 shamasynda Medeý aýdanynda ornalasqan úıinen shyǵyp ketip, qaıtyp oralmaǵan.
«Balanyń syrtqy belgileri: boıy 125 sm, dene bitimi aryqtaý, shashy qara. Arnaıy belgiler joq. Ol jolaq syzyqtary bar jasyl-aq tústi jeıde, qara kók shorty, aq baýy bar qara kók tústi krossovka kıgen. Mesýt Myrzaqulovtyń qaıda ekenin biletinder 8778-798-00-77; 8701-739-53-94; 8-708-924-82-07 nemese 102 nómirlerine tez arada habarlasýyn suraımyz», - dedi Almaty PD baspasóz qyzmeti.
