Almatyda 9 telefon terrorısi ustaldy
ALMATY. QazAqparat - Almatyda byltyr telefon terrorızmine baılanysty qylmys sany 25%-ǵa azaıǵan. Qalalyq ІІD baspasóz qyzmetiniń habarlaýynsha, byltyr 9 adam ustaldy. Qazir olardyń barlyǵyna qatysty sotqa deıingi tergeý isi júrip jatyr, dep habarlaıdy QazAqparat.
«Búginde telefon terrorızmi eń kóp taralǵan qylmystardyń biri bolyp otyr. Jarylǵysh zat týraly túsken habarlardyń bárin tekserý kerek. Ol úshin quqyq qorǵaý organdary, medıtsınalyq organdar, jedel áreket etý qyzmetkerleri jumyldyrylady. Nysannyń jumysy toqtap, júzdegen qyzmetker men adamdar qaýipsiz jerge kóshiriledi. Osy ýaqytqa deıin birde bir qońyraý rastalǵan joq. Bul jumystardyń barlyǵy úlken shyǵyndy talap etedi», - dedi qalalyq ІІD basqarma basshysy Qýat Naýatov.
Qazaqstanda mundaı qylmys QR QK 273-baby boıynsha qarastyrylady.
Telefon terrorısteri 6 jylǵa deıin bas bostandyǵynan aırylýy múmkin.
Almaty ІІD osy baǵytta halyqqa túsindirý jumystaryn júrgizip keledi. Atqarylǵan sharalardyń arqasynda byltyr qylmys kórsetkishin 25%-ǵa azaıtý múmkin boldy.
