Almatyda 9 qabatty turǵyn úıdiń balkonyn órt shaldy
ALMATY. QazAqparat - Búgin Almatyda «Qulager» shaǵyn aýdanynda ornalasqan 9 qabatty turǵyn úıdiń balkonyn órt shaldy. Bul týraly Almaty qalalyq TJD resmı ókili Sandýǵash Baımuhanbetova habarlady.
«2016 jylǵy 14 maýsymda saǵat 11:00-de Almaty qalalyq Tótenshe jaǵdaılar jónindegi Departamentiniń «101» kezekshi bólimine Jetisý aýdanynyń «Qulager» shaǵyn aýdanynda ornalasqan №29-shy 9 qabatty turǵyn úıdiń 3-shi qabatyndaǵy balkondardyń biriniń órtenip jatqany týraly habar kelip tústi. Oqıǵa ornyna 11 saǵat 10 mınýtta kelip jetken órt sóndirýshiler tilsiz jaýdy joıýǵa jáne bir mezette tómengi jáne joǵarǵy qabattardan turǵyndardy qaýipsiz aımaqqa shyǵarýǵa kiristi», - dedi S. Baımuhanbetova.
Órt sóndirýshilerdiń úılesimdi áreketiniń arqasynda órt 11 saǵat 24 mınýtta aýyzdyqtalyp, 11 saǵat 36 mınýtta tolyǵymen sóndirildi.
Tilsiz jaýdy joıýǵa jeke quramnan 30 adam jumyldyryldy.
