Almatyda 9 eldiń ǵalymdary Muhtar Áýezovtiń shyǵarmashylyǵyn talqylady

ALMATY. QazAqparat - Almatyda Muhtar Áýezovtiń týǵanyna 120 jyl tolýyna arnalǵan halyqaralyq ǵylymı sımpozıým ótti, dep habarlaıdy QazAqparat tilshisi.

Uly qazaq jazýshysy, qoǵam qaıratkeri, ǵalym, Ulttyq ǵylym akademııasynyń alǵashqy akademıgi, fılologııa ǵylymdarynyń doktory, professor Muhtar Omarhanuly Áýezov Semeı, Tashkent, Lenıngradta oqyp jumys jasady. 1930 jyly Almatyǵa kóship keldi. Sol kezeńdegi qalanyń taǵdyry men ómiri «Almaty kúni» atty shyǵarmasynda sıpattaldy.

Búginde jazýshylarǵa arnalǵan Tólebaev kóshesindegi 185-úı Almatydaǵy qazaq mádenıetiniń erekshe boıtumaryndaı ortalyqtardyń birine aınaldy. Dál osy jerde ol óziniń ataqty «Abaı joly» romanyn aıaqtap bitirdi.

Jaqynda ákimdiktiń qoldaýymen eskertkish úı-mýzeı jóndeý jumystarynan ótti.

«Bolashaqqa baǵdar: rýhanı jańǵyrý» baǵdarlamasynda Elbasy ózimizdiń rýhanı mádenıetimizdi, tilimiz ben ádebıetimizdi saqtaý kerekpiz dep atap aıtqan edi. Muhtar Áýezovtiń qalamy - qazaq klassıkalyq ádebıetiniń eń úzdik mysalyna jáne bolashaq býynnyń taýsylmas shabytyna aınaldy», - dedi Almaty ákimi Baýyrjan Baıbek.

Sımpozıým barysyna Qazaqstannyń bedeldi ǵalym-fılologtary qazaq ádebıetiniń uly klassıginiń shyǵarmashylyq jáne ǵylymı muralary jóninde jáne onyń zamanaýı ǵylym men ádebıette alar orny týraly sóz qozǵady.

Іs-sharaǵa AQSh, Gollandııa, Reseı, Belarýs, Ózbekstan, Qyrǵyzstan, Ulybrıtanııa, Túrkııa jáne taǵy da basqa elderden ádebıettanýshy ǵalymdar qatysty.