Almatyda № 9 eksperss-avtobýsy jolaýshylar tasymalyn nege toqtatty
ALMATY. QazAqparat - Almatyda № 9 eksperss-avtobýsy jolaýshylar tasymalyn toqtatty, dep habarlaıdy QazAqparat tilshisi.
Almatyda № 9 ekspress- avtobýsy jolaýshylar tasymalyn toqtatty. Máseleniń sebebin anyqtaý úshin QazAqparat tilshisi Almaty qalasynyń ákimdigine resmı saýal joldaǵan edi.
Ákimdiktiń bergen jaýabyna sáıkes, № 9 ekspress-avtobýsy 24 naýryzdan bastap jolaýshylar tasymalynyń tómen bolýyna baılanysty
qyzmetin toqtatty.
«Almatyda № 9 ekspress-avtobýsynyń baǵytyna uqsas qoǵamdyq kólikter bar. Olar: Abaı dańǵyly boıymen 118, 120a, 128, 205, 32, 65, 66, 79, 92, 98, TP 11, 19, 25, 5, 6. Sonymen qatar, Dostyq dańǵyly boıymen 141, 128, 12, 45, 5, 5a, 5b, 95, 99 marshrýttar. Osy aqparatty eskere otyryp, júretin baǵytyńyzdy aldyn ala túzetýdi suraımyz», - delinedi ákimdiktiń jaýabynda.
Aıta keteıik, № 9 ekspress-avtobýsta júrý quny 200 teńge bolǵan.
