Almatyda 9 baldyq jer silkinisi bolsa turǵyn úılerdiń 30% qıraýy múmkin - TJM

ASTANA. QazAqparat – Almatyda 9 baldyq jer silkinisi bolsa, turǵyn úılerdiń 30% qıraýy múmkin. Bul týraly Tótenshe jaǵdaılar vıtse-mınıstri Ibragım Kúlshimbaev Ortalyq kommýnıkatsııalar qyzmetinde ótken brıfıngide osyndaı boljam aıtty, dep habarlaıdy QazaAparat tilshisi.

«Almatyda jer silkinse, qalanyń 60-70 paıyzy qıraıtyny týraly pikirlermen kelisesiz be?», - dep surady jýrnalıst.

Vıtse-mınıstr resmı boljam ondaı emes ekenin aıtty.

«Iá, men Almatynyń respýblıkamyzdaǵy eń bir seısmıkalyq qaýipti óńirlerdiń biri ekeni týraly pikrilermen kelisemin. Qala 27 qaýipti tehnogendik plıtanyń qosyndysynda ornalasqan. Bul negizinen qalanyń taýly aýdandary. Ózgelerine qaraǵanda barynsha qaýipsiz aýdan – Túriksib aýdany. Qalǵan Medeý, bostandyq aýdandary, basqalary da plıtalardyń qosyndysynda ornalasqan. Bul oryndarda qaýip aıtarlyqtaı joǵary. Jer silkinisi bola qalsa, qalanyń 60-70 paıyzy qırandyǵa aınalady degen pikirmen kelise almaımyn. Biraq boljaý derekteri boıynsha, 9 jáne odan da joǵary apattyq zilzala bolǵan jaǵdaıda turǵyn ǵımarattary 30% deıin qıraýy múmkin. Osydan-aq qandaı shyǵyn keletinin esepteýge bolady», - dedi Ibragım Kúlshimbaev.