Almatyda 9 aıdyń ishinde 129 atys qarýy tabyldy
Belgili bolǵandaı, 9 aıdyń ishinde Almatyda zańsyz aınalymnan 129 atys qarýy tabylyp, tárkilendi. Onyń ishinde 21 tapansha, 15 kesilgen sholaq myltyq, 75 myltyq, 4 «Kalashnıkov» avtomaty, 98 granata jáne 400-den astam oq-dári tárkilendi.
Budan bólek, 9 aı ishinde QR QK-niń 262-babyna sáıkes, uıymdasqan qylmystyq topty qurý jáne basqarý derekteri boıynsha 3 qylmystyq is qozǵaldy.
Sonymen qatar, Almatyda jyl basynan beri 461 esirtki qylmysy anyqtalsa, onyń 94-i esirtkiniń zańsyz aınalymyna qatysty boldy.
«Zańsyz aınalymnan 600 kelige jýyq esirtki, onyń ishinde 398 keli marıhýana, 84 keliden astam gashısh, 15 kelige jýyq sıntetıkalyq esirtki jáne 111 keliden astam basqa da esirtki zattary tárkilendi»,- delinedi polıtsııa taratqan habarlamada.
Foto: polisia.kz
