Almatyda 89 oqýshy koronavırýs juqtyrǵan
Spıkerdiń sózinshe, oqýshylar 1 qyrkúıekke deıin de aýyrǵan, qazir de aýyryp jatyr. Sabaq bastalǵanǵa deıin bir táýlikte 160 oqýshydan vırýs anyqtalǵan kezder boldy.
«Qazir oqýshylar arasynda vırýs juqtyrý jaǵdaıy tómendedi.Oqý jyly bastalǵaly mektepke baryp bilim alǵan 89 baladan vırýs anyqtaldy. Olar bilim alǵan synyptyń barlyǵy karantınge jabyldy, ıaǵnı oqýshylar onlaın rejımde bilim alyp jatyr. Oqýshylar vırýsty mektep qabyrǵasynda emes, otbasynda juqtyrǵan. Sondyqtan ata-ana qaýipsizdik talaptaryn saqtaný qajet», - dedi Jandarbek Bekshın.
Bas dárigerdiń aıtýynsha, buǵan jol bermeý úshin otbasynda vırýs juqtarǵan týystar oqshaýlanýy kerek jáne olarmen balanyń baılanysyn shekteý kerek. Eger úı-jaıynda oqshaýlaný múmkin bolmasa, onda aýrǵan adamdy medıtsınalyq mekemelerge karantınge jiberýge bolady.